Li London, Manchester, Leîcester ku bajarên Brîtanyayê ne û li Edînburghê ku paytexta Skoçyayê ye, qewilê dengdayîna hilbijartinên 14’ê Gulanê yên li Tirkiye û Bakurê Kurdistanê, bi dawî bû.

Li gor gelek saziyan û Koordînasyona Hilbijartinê ya Brîtanyayê ya Partiya Çepên Kesk, rêjeya dengdayînê baş e. Sala 2018’an rêjeya dengdayînê ji sedî 48 bû.

Tevî hemû hewildanên desthilata faşîst a AKP’ê, tê payîn ku rêjeya dengên Partiya Çepên Kesk li Brîtanyayê nekeve bin ji sedî 50.

‘WÊ KED BI AVÊ DE NEÇE’

Nûnerê Gîk-Der’ê Îbrahîm Avcil ku li ser navê Koordînasyona Hilbijartinê ya Brîtanyayê em pê re axivîn, wiha got: “Serkeftina vê xebatê bi keda hevalên me ye.”

Hevserokê Meclîsa Gelê Kurd Turkan Bûdak diyar kir ku bi kedeke zêde li dengdayîn li Brîtanyayê temam bûye û got: “Hevalên kedkar, bi taybetî komeleyên me yên heremî, saziyên şoreşger û çep ên Elewî û bi sedan hevalên dilxwaz û gelê me ava be. Ev ked bi avê de naçe. Ez bawer im ku wê têkoşîna me ya demokrasî û azadiyê bi ser bikeve. Em hevalên xwe yên ji çapemeniyê azad  ji ber tevkarî û hewildana wan pîroz dikin.”